Секоја година на нашиот ревијален годишен концерт се доделуваат признанија на наши истакнати членови кои претставуваат наш начин да им се заблагодариме на истите, и воедно да бидат стимул за сите помлади продолжат во мисијата за негување на македонскиот фолклор.
За изминатата 2021/2022 година, највозрасниот меѓу нас Васко Андреевски, во име на „Културно Уметничко Друштво – Таше Милошевски“ ги додели следните плакети на:
– Сара Мицевска и Јована Марковска за најистакнати играорки кои се долги години во фолклорот и истовремено како асистенти/учители на помладите генерации, го пренесуваа своето играорско искуство.
– Живе Андоновски за неговите јубилејни 15 години како раководител на оркестарот, и човек кој макотрпно работи низ сите години со сите нови музичари.
– Љупчо Пецалевски за неговите јубилејни 20 години успешно менаџирање и претседателствување со ансамблот.
